Týsdagin 7. mai skipaði skúlastýrið fyri felagsforeldrafundi, har ársfrágreiðingin frá skúlastýrinum varð framløgd. Eisini hevði Rúna í Skála, námslektari á Námsvísindadeildini, áhugaverdan fyrilestur um samstarvið millum ´Heim og Skúla`. Nærum hundrað fólk møttu til fundin!

Út frá hennara royndum sum fólkaskúlalærari og úr frá gransking, so vísti hon á, at samstarvið millum ´Heim og Skúla` var nógv broytt hesi seinastu árini. Nú innsíggja flest øll, at eitt gott foreldrasamstarv er altavgerandi fyri trivna, menning og læring hjá øllum næmingum í fólkaskúlanum. 

Sankta Frans skúli og skúlastýrið takkar fyri sera góðu undirtøku, tí saman kunnu vit skapa ein fólkaskúla, har allir næmingar trívast, mennast og læra.