12/3-25 Tað er komið fráboðan um lús í flokkinum. Tí er týdningarmikið at tit kemba tykkara barni í vikuskiftinum og viðgera um neyðugt.
Sí viðfestu vegleiðing frá Gigni.
Kom og les átak í Sankta Frans skúla
Viðtalur í 1.b. várið 2025
Góðu foreldur.
Vit vilja bjóða tykkum vælkomin til næstu foreldraviðtalu í 1. b.
Viðtalurnar eru í heimastovuni hjá flokkinum, og eru 15 min. hvør. Sí tíðirnar niðanfyri.
Um ikki liggur fyri at møta ásettu tíðina, heita vit á tykkum um at býta um innanhýsis, og vinarliga sig flokslæraranum frá, við at senda boð á tel. 211284.
Vit fara at práta um, hvussu tað gongur hjá tykkara barni í skúlanum. Hvussu arbeiðslagið er í skúlanum og heima, og um fríkorter/spæliløtur.
| Klokkan/Dagur | 6/3 hósdag | 10/3 mánadag | 13/3 hósdag |
| 14:00 | Arnar | Nataniel | Mattias |
| 14:15 | Diana | Maya | Aurora |
| 14:30 | Hjørtur | Pætur Sámuel | Silas |
| 14:45 | Olivia | Sára | Poulina |
| 15:15 | Birgir | Jóanes | Snjóleyg |
| 15:30 | Tóra | Astrid | Rúnar |
| 15:45 | Petur | Sverri | Bjørg |
| 16:00 | Andreas | Hugin | Jákup Heri |
Byggja orð
Børnini hava pappírsbókstavar (teir vit hava lært higartil) í lesilummanum, sum tey kunnu spæla við. Um onkur bókstavur manglar, kunnu tit gera ein nýggjan heima.
Venjið navn á bókstavi, ljóði, og stavilsir (klapp) í orðinum tey byggja.
Tey kunnu skrivað orðið/orðini tey byggja við bókstavunum á ein lepa og geva læraranum hann í skúlanum.
1. "Hvar rakst tú neyt míni?" segði kall. "Beint niðan í akur tín!" segði svein ungi.
2. "Skamm fái tú rekandi!" segði kall. "So fái tú biðjandi!" segði svein ungi.
3. "Hevði eg hildið á spóni mínum!" segði kall. "Staðið fastur í góma tínum!" segði svein ungi.
4. "Hevði tú verið flongdur!" segði kall. ”Við mjúkari ostflís." segði svein ungi.
5. "Við skørpum áli!" segði kall. "Ryggur tín ligið undir!" segði svein ungi.
6. "Hevði eg hildið á knívi mínum!" segði kall. "Staðið fastur í lívi tínum!" segði svein ungi.
7. "Hevði tú hingið í berginum!" segði kall. "Góð lína á mær." segði svein ungi.
8. "Einfaldur hosnatráður!" segði kall. "Sjálvur tú á endanum." segði svein ungi.
9. "Hevði tú flotið á havinum!" segði kall. "Góður bátur undir mær." segði svein ungi.
10. "Ongar árar!" segði kall. segði kall. "Lotið ligið at landinum!" segði svein ungi.
1. Øskudólgur og sópingarkona
hildu sær at gaman,
hvussu skulu vit liva,
tá ið vit koma saman?
2. Vit skulu taka tráðu í hond,
ganga oman við á,
fiska okkum smásíl
og føða okkum svá.
3. Hvussu skulu vit liva,
tá ið síl eru eingi í á?
Vit skulu okkum í havið út
stóran físk at fá.
4. Hvussu skulu vit liva,
tá ið fiskurin vil ikki bíta?
Vit skulu okkum í bóndans garð
at treskja kornið hvíta.
5. Hvussu skulu vit liva,
tá ið bóndin eigur einki korn?
Vit skulu taka lúður í hond
og blása hart í horn.
6. Hvussu skulu vit liva,
tá ið hornið vil ikki láta?
Vit skulu taka hamar og tong
og smíða skip og bátar.
7. Hvussu skulu vit liva,
tá ið báturin vil ikki ganga?
Far tær aftur í dungan út,
eg vil ikki við teg pranga!
Mín fyrsta lesibók
Nú byrjar vit av álvara við lesivenjing. Tað er, sum áður nevnt, ymiskt hvat børnini duga og tí hevur tað týdning, at tit heima eisini tosa við tykkara barn um, at vit øll eru ymisk. Vit læra og duga ymiskt, men eru øll líka góð.
Reyða lesimappan skal við í skúla hvønn dag. Vit fara at lesa so nógv sum gjørligt í skúlanum, og tit foreldur mugu eisini lesa við tykkara barni heima, gjarna hvønn dag.
Øll byrja við somu bók og lærarin skrivar í bókayvirlitið, nær næmingurin er byrjaður at lesa, og nær bókin er liðug. Tað er góð venjing at lesa sama tekst 3 ferðir.
Lesikortið skriva vit í, hvørja ferð barnið hevur lisið - bæði heima og í skúlanum.
Latið, tit heima, barnið taka lesimappuna úr og leggja hana í aftur skúlataskuna. Leggið barninum lag á, um tørvur er á tí. Eg vil eisini heita á tykkum um, at hjálpa barninum til at halda skúlataskuna ruddiliga.
Eru ivamál, eru tit vælkomin at spyrja.
Brot um lesing úr bókini Súlan - Bókstava- og ljóðbók:
Til foreldrini
Í Súluni arbeiða børnini við bókstavunum og tví-ljóðunum. Knýttar at bókstava- og ljóðbókini eru smáar lesibøkur, sum eru ætlaðar børnunum at lesa, so hvørt sum tey hava lært teir ávísu bókstavirnar í Súluni.
Lesing er bæði tað at kunna lesa ein tekst og at skilja tað, ið lisið verður. Málslig menning og orðatilfeingi hevur stóran týdning, tá ið ein skal læra at lesa.
Okkara skrift er ljóðskrift. Børnini mugu tí læra, at ymsu ljóðini í málinum verða skrivað við bókstavum. Settir saman, verða bókstavirnir til orð, og orðini verða til setningar.
Fyri at kunna lesa eitt orð mugu børnini kenna ljóðini á teimum bókstavum, ið tey síggja. Orðið sól er t.d. sett saman av trimum bókstavum, sum svara til tey trý ljóðini /s/ /ó/ /l/.
Hetta kann vera torført at skilja hjá summum børnum. Málið er eitt amboð, ið tey brúka, tá ið tey tosa saman um eitthvørt; einstøku ljóðini eru tey ikki varug við.
Børnini skulu læra, hvussu bókstavirnir síggja út, hvussu teir eita og hvussu teir ljóða. T.d. at bókstavurin s eitur ess, men at hann ljóðar /sss/. Ein trygg vitan um sambandið millum bókstav og ljóð er lykilin til at gerast ein tryggur lesari.
Tað, sum vit alla tíðina miða ímóti, er at fáa børnini at loysa lesikoduna, t.e. at kenna bókstavirnar, duga at umseta teir til ljóð, vita, hvussu tey ymisku ljóðini hátta sær saman við øðrum ljóðum, og at skilja tað, tey lesa.
Í smáu lesibókunum verða bert teir bókstavir nýttir, sum børnini hava lært, tað vil siga, at børnini við síni vitan um bókstav og ljóð megna at lesa tekstin. Endamálið er, at børnini longu frá byrjan uppliva, at tey megna at lesa.
Sum frálíður kenna børnini alt fleiri orð aftur. Tey eru vorðin orðamyndir, sum børnini minnast.
Góða eydnu!
Súkkluhjálmar til næmingar í 1. flokki.
RFF - Ráðið fyri Ferðslutrygd letur børnum í 1 fl. ein hjálm í part. Av tí at børnini fara beina leið í Frítíðarskúlan, og fyri at hjálmar ikki skulu blíva burtur, heita vit á foreldur, um at koma inn í flokshølið eftir hjálminum hjá sínum barni. Takið hjálmin heim við og merki hann. Minnist til at siga læraranum frá, ella seta X á listan yvir hvør hevur fingið hjálm.
Útiskúli
Fram til heystfrítíðina fara vit at hava útiskúla mikudagar. Vit fara at læra at ganga trygt og væl runt í miðbýnum. Vit læra eisini um ferðslureglar og vitja spæliplássini í nærumhvørvinum. Fyrstu tíðina fara vit runt til bústaðin hjá børnunum í flokkinum, har vit taka eina mynd frammanfyri úthurðini. Myndina brúka vit seinni í flokkinum til at vísa á einum korti av Havnini, hvar hvørt barnið býr. Vit fylgja børnunum í frítíðarskúlan hendan dagin.
Børnini mugu verða klødd eftir veðrinum (tvs regnklæðir og gummistilvar um tað regnar) og hava ein lítlan ryggsekk við til matpakkar og drekkidunk. Skúlataskan skal ikki við í skúla hendan dagin.
Góðu foreldur í 1.fl.
Fyrsti skúladagur er ofta ein dagur, sum er nakað rokaligur og torført er minnast alt, sum verður sagt. Í hesum brævinum hava vit skrivað nakað av tí, tit skulu minnast til.
Skúlataskan skal í minsta lagi innihalda:
Pennahús við 2 spískaðum blýantum (teir tjúkku eru ofta góðir í innskúlingini)
Linjuál, viskileður og spískara
Litir, vit brúka træfarvir
Ítrótt/fimleik:
Næmingarnir hava ítrótt á tímatalvuni mánadag, og í 1. flokki eru tey í fimleikahøllini á skúlanum. Talan er um ein skúlatíma, tískil hava tey ikki stundir at skifta ella fara undir brúsu. Latið børnini verða í klæðum, ið hóska seg til rørslu mánadagar.
Postmappan:
Næmingarnir fáa ein plastlumma við sínum navni á, og tað er okkara postmappa. Har leggja næmingarnir seðlar og boð í, og tit foreldur verða biðin um at kanna, um nakar postur er í hvørja viku. Postmappan skal altíð liggja í skúlataskuni.
Heimasíðan:
Á floksheimasíðuni síggja tit vikuætlanina, har tað stendur, hvat vit gera í skúlanum og hvat vit vænta verður gjørt heima. Eisini boð og kunning verða at síggja á floksheimasíðuni. Tit fara inn á sfs.fo / vikuætlan / 1. a. ella 1.b.
Skúlamjólk:
Næmingarnir kunna tekna seg til at fáa mjólk teir dagar, tey eta matpakkan í skúlanum (tvs 2 dagar um vikuna). Tit melda til á heimasíðuni: www.sfs.fo/mjolkaskipan
Fríkorter-mat:
Vinaliga gevið næmingunum okkurt við, sum tey kunnu eta úti í fríkorterinum kl 9.30. Kanska frukt, grønmeti, breyð ella líknandi sum er skjótt og nemt at taka við sær út í skúlagarðin.
Navnamerki:
Vinaliga merki øll tey pløgg, ið børnini lata seg úr, tá ið tey eru í skúla. Jakkar, troyggjur, húgvur, vøttir, skógvar osv. Eisini er gott um navn er á pennahúsinum og tilhoyrinum. Hetta lættir nógv um hjá okkum.
Føðingardag:
Tað ber til at bjóða okkurt lítið í skúlanum, tá barnið hevur føðingardag (bomm, slikkipinn osv). Tað ber til at bjóða heim, tá barnið hevur føðingardag. Tá er umráðandi at man bjóðar øllum gentunum, øllum dreingjunum ella øllum flokkinum – ikki velja nøkur burturúr. Vanliga blíva foreldur samd um, at ein 20-króna er passandi at geva sum gávu.
Fyrstu tíðina í 1.flokki fara vit at leggja áherðslu á at læra at ganga í skúla. Læra at lurta eftir hvørjum øðrum, vera góð við hvønn annan og ansa eftir, at eingin verður hildin uttanfyri. Læra at arbeiða, læra at skyna á nær man kann tosa, og nær man skal tiga. Sjálvandi læra børnini eisini bókstavir, tøl og mangt annað.
Tit foreldur kunna gera tykkara til, at barnið fær eina góða skúlabyrjan. Syrg fyri at barnið hevur sovið nóg væl, hevur etið morgunmat, hevur taskuna í ordan og hevur ein góðan matpakka við.
Tað er sera umráðandi at tit møta til tíðina. Skúladagurin byrjar við morgunsangi kl. 8 stundisliga, og ongum barni dámar at koma ov seint. Best er at møta nakað áðrenn kl. 8, so tit fáa tíð til at siga ordiligt farvæl fyrstu dagarnar, inntil barnið kann koma sjálvt í skúla.
Um næmingar ikki koma í skúla orsaka av sjúku ella aðrari fráveru, skulu sms boð sendast til flokslæraran. Tit eru vælkomin at ringja ella senda sms-boð, um tit hava eitthvørt upp á hjartað. Til ber eisini at senda teldupost.
Vit eru øll sera spent og gleða okkum til eitt gott og læruríkt ár saman.
Blíðar heilsanir
1.a og b
Annelisa S. Joensen Birna S. Gaard
Tel. 507060 Tel. 211284
annelisa.sofia.joensen@skulin.fo birna.gaard@skulin.fo
Starvsfólk í forskúla b.:
Flokslærari: Anna Hentze
Námsfrøðingur: Konny N. Zachariasen
Lærari: Birna Gaard (flokslærari frá 1. fl.)
Tlf.nr.:
Forskúli b.: 22 80 39
Anna flokslærari: 22 06 90
Heimasíðan:
www.sfs.fo/flokkar/forskúliB
Her er kærleiki at finna
Her er kærleiki at finna,
sum kann lívga rædda sinnið,
sært tú ikki krossin standa,
sum kann loysa teg úr vanda?
Jesus Kirstus doyði har.
Komið øll her út og síggið,
ikki burt av ótta flýggið:
frelsuverkið enda hevur,
Jesus Kristus lív sítt gevur
fyri okkum syndarar.
Eg á Krist mín alt vil byggja,
lívið mítt hann vil sær tryggja;
hann mær hjálparhendur rættir,
Barn sítt rekur hann ei aftur,
Væl tað má tí elska hann.
Frelsu havi eg alt funnið,
við tað blóð, sum hevur runnið;
Hetta vil eg aldri gloyma,
Eg vil tað í hjarta goyma,
Sum mær Jesus sjálvur gav.
Yrkjarin ókendur