Námsferð í 7. flokki

Á Sankta Frans skúla er tað siðvenja, at næmingarnir í 7. flokki fara á eina felags námsferð síðst í skúlaárinum. Ferðin hevur bæði fakligt og sosialt endamál: hon gevur næmingunum møguleika at menna fakliga førleikar sínar í øðrvísi umhvørvi og samstundis styrkja samanhaldið í flokkinum. Hetta er ein týðandi partur av undirvísingini og ein góður háttur at enda skúlaárið á.

 

Leiðreglur í samband við námsferð

• Í sambandi við umsókn um námsferð skal læraraliðið senda leiðsluni eina skrivliga umsókn, ið fevnir um fakliga grundgeving, uppskot til ferðaskrá, staðseting og endamál við túrinum.
  
  
• Námsferðin varir vanliga frá fimm til sjey dagar, og verður farið til eitt skandinaviskt land ella eitt enskttalandi land. Um ferðin er ætlað til annað land, skal hetta serliga grundgevast í umsóknini til leiðsluna.
  
  
• Sambært Telefon og KT-politikki skúlans hava næmingar ikki loyvi at hava fartelefon við á námsferðina. Um tørvur er á at ringja, kunnu næmingar lána telefon frá starvsfólkunum. Foreldur kunnu altíð seta seg í samband við starvsfólkini á túrinum, um tey hava boð ella spurningar.