Skrivligar royndir

Allir næmingar í 7., 8. og 9. flokki fara upp í skrivligum royndum í føroyskum, donskum, enskum og støddfrøði, undantikið 9. flokkur, sum fer til skrivliga próvtøku í mai. Skrivligu royndirnar verða hildnar í januar og mai. 

Í teimum málsligu lærugreinunum fáa næmingarnir uppgávur í málførleika og framseting. Í støddfrøði verða uppgávurnar í greiðslu- og fimisrokning.

Uppgávurnar taka støði í fráfaringarroyndunum í 9. flokki, men verða tillagað nakað hjá næmingunum í 7. og 8. flokki.

Telefonir eru ikki loyvdar undir skrivligu royndunum ella próvtøkunum. Tær skulu latast inn, áðrenn royndin byrjar.