Boð 2.b

Spælibólkar 2023/2024

Sí spælibólkar HER

Spælibólkar eru ásettir at byrja frá viku 43.  

Sankta Frans 90 ár

Fríggjadagin 8. desembur eru 90 ár farin, síðani Fransiskanarasystrarnar í Føroyum byrjaðu Sankta Frans skúla í Varðagøtu í Havn.

Skúlin bjóðar øllum at vera vælkomin inn á gólvið í Sankta Frans skúla at halda henda merkisdag fríggjadagin 8. desembur kl. 9.00 - 13.00.

Skráin:

Í fimleikarhøllini:  
- kl 09:00 Aslaug Olsen, skúlastjóri bjóðar vælkomin  
- kl 09:08 Yngra barnakórið framførir  
- kl 09:20 Djóni N. Joensen, landsstýrismaður fær orðið 
- kl 09:30 Heðin Mortensen, borgarstjóri ber fram heilsan 
- kl 09:40 Eldra barnakórið framførir 
- kl 09:50 Næmingaráðs tala  
- kl 10:00 Lærarakórið framførir og felagssangur  
- kl 10:10 Kaffisteðgur
- kl 11:00 Leikur hjá 5. flokkunum í fimleikarahøllini  
- kl 12:00 Leikur hjá 5. flokkunum í fimleikarahøllini  

Framsýning verður í gomlu kirkjuni, opin frá kl.9.00. Øll eru vælkomin at ganga runt á skúlanum og í nýggja forskúlanum.

Øll eru vælkomin          

Loppusøla 1. desembur

Fríggjadagin 1. desember verður árliga loppusølan í SFS. Innkomni peningurin fer til eitt vælgerandi endamál í Føroyum. Børnini taka ymiskt við heimanífrá at selja: onkrar lutir, gamlar leikur, kanska okkurt heimabakað, o.a..

Allir flokkar hava básar inni í heimastovuni, har vøran verður sett upp og prísað. Næmingarnir ganga síðani runt og hyggja og keypa frá hvør øðrum.

Næmingarnir skulu hava myntir við at keypa fyri (2,5,10 og 20 kr), tit avgera sjálvið, hvussu nógv hvør einstakur næmingarnir hevur við av peningi. 

Boð frá heilsufrøðingi skúlans

Góðu foreldur at næmingum í 2.b.

Komandi hósdag fari eg at tosa við flokkin um evnið "Trivnaður og vinaløg". 

Børnini hava í dag fingið eitt pappír við heim við kunning. Baksíðuna á pappírinum skulu børnini útfylla saman við tykkum, foreldrum. Havi pappírini við aftur í skúla hósdagin. 

Eftir undirvísingina fari eg at tosa við børnini til einstaklingasamrøðu út frá pappírinum, sum tit hava útfylt saman. Eisini verður hædd, vekt og sjón kannað. 

Um tit hava eitthvørt tit ynskja at tosa við meg um viðv. heilsu, trivnaði ella menning hjá børnum tykkara, eru tit vælkomin at kontakta meg á tlf. 562339 ella á mail: moridm@gigni.fo.

Eftir samrøðurnar verður flokkurin gjøgnumgingin saman við flokslærara.

Vinaliga

Morid Meitilberg, Heilsufrøðingur

Mín jólabók 2023

Næmingarnir hava fingið seðil heim um Mína jólabók 2023. 

Um tit ynskja at keypa bókin, skal hon keypst umvegin www.jólabókin.fo. Freistin er 15. novembur 2023. 

Foreldraviðtalur novembur 2023

Foreldraviðtalur vera 2. og 9. novembur. Sí yvirlit her

Næmingarnir hava fingið eitt samrøðublað heim við í dag, 27/10. Næmingurin skal svara samrøðublaðnum saman við einum vaksnum. Samrøðublaðið er ein partur av grundarlagnum til foreldraviðtaluna, tí hevur tað týdning, at tit seta tíð av at svara samrøðublaðnum saman við tykkara barni. 

Samrøðublaðið skal latast inn til flokslæraran í seinasta lagi dagin áðrenn foreldraviðtaluna, annars skjótast gjørligt. 

Vinarliga

Toymið í 2.b

Skúlamjólk

Næmingarnir hava fingið seðil um skúlamjólk. Seðilin, saman við kvittan fyri inngjaldi, skal latast flokslæraranum sum skjótast, um næmingar ynskja at fáa skúlamjólk. 

Spælibólkar vár 2023

Sí spælibólkar HER

Spælibólkar byrjar longu í komandi viku, viku 19. 

Fyri at skapa góðan trivna millum næmingar í flokkinum, fara vit at hava spælibólkar, tað sum er eftir av skúlaárinum. 

Ikki er nógv eftir av skúlaárinum, og tí er stutt ímillum spælibólkarnir. Vit vóna, at tit taka undir við hesum og seta eina løtu av til at skipa fyri spælibólki. 

Um spurningar ella ivamál eru, eru tit vælkomin at seta tykkum í samband við flokslæraran, Gunnvá. 

Vinarliga

Toymið í 1.b

Kunning um lesiátak í viku, 10, 11 og 12

Góðu foreldur

Komandi tríggjar vikurnar, t.v.s. í viku 10, 11 og 12, verður skipað fyri lesiátaki í 1. og 2. flokkunum hvønn morgun kl. 9.05 – 9.25, t.v.s. í 20 min. Meiningin er, at foreldur/avvarandi syrgja so fyri, at barn tykkara eisini lesur heima í 20 min. hvønn dag.

Hvør næmingur fær eitt lesikort at leggja millum bókina, har tey skriva tað í, tey lesa í skúlanum og tað, tey lesa heima. Gott, um tit kundu hjálpt teimum við hesum og síðani vátta fyri lesingina á lesikorti.

Vónandi taka tit væl undir við lesiátakinum, barni tykkara at gagni.

15.06.22 Alt gamalt tilfar er klárt at taka heim. Liggur inn í skúlastovuni

12.06.2022

!!! ONGAN LÍTLAN MATPAKKA VIÐ !!!

Týsdagin 14.juni skulu børnini ikki hava lítla matpakka við,

forskúlin bjóðar pitsur ;)

 

04.06.2022

LÁGARGARÐS VITJANINAR

Mikudagin 08.juni verður seinasta vitjanin hjá okkum á Lágargarði og í tí sambandi ferð allur flokkurin á vitjan.

Vit fara at siga farvæl og takka fyri okkum á hesum sinnið. 

Vit hava verið sera fegin um vitjanirnar og hetta hevur veri nakað vit hava glett okkum til.

Somuleiðis hava hesar vitjanirnar veri nakað, ið tey, ið koma á Virkisstovuna hava glett seg nógv til og fleiri teirra hava havt á munnið, at tey yngjast fleiri ár tá tey hava veri saman við børnunum.

Tað hevur verið sagt frá søgum, vit hava sungið, gjørt fimleik, tekna, spælt og hugna okkum saman.

Heilt vist hava hesar vitjaninar veri sera góðar og gevandi fyri okkum øll.

30.03.2022

!!! STUÐULSTILTAK !!!

Í morgin hósdagin 31.mars skipar 3.b fyri stuðulstilkaki í samstarvi við Barnabata.

Tiltakið verður í sangstovuni (gamla kirkjan) og byrjar kl.16.00,

sí myndina niðanfyri.

  

22.03.2022

!!! STUÐULSTILTAK !!!

 Sum tit síggja á myndini, skipar 3.a fyri einum stuðulstiltakið til frama fyri

Reyða Kross/Ukraina.

Vit hava fingið "kafé tíð" kl.09.15.

Alt, ið er til keyps kostar 5kr. pr. stk.

Gjaldast kann bert við reiðum peningi og helst myntir.

 

24.02.2022

Føstulávintsmánadag koma børnini gýluklødd í skúla.

Um onkur ikki ynskir at vera grýluklæddur er tað eisini í lagið. Vit hava ikki umstøður at mála børnini.

Umráðandi er at børnini møta stundisliga kl.08.00.

Vit fara upp á gólv í fimleikahøllini kl.08.15 saman við 1. og 2. flokki.

Vit sláa tunnu og fáa kakao og bollar, tí skulu børnini ikki hava lítla matpakka við.

Týsdagur 1.mars er lagdur frídagur, so er lagamanni at ganga leingi grýla ;)

 

 

Kunningarskriv frá skúlastýrinum

Her er eitt kunningarskriv frá skúlastýrinum um framhaldsdeildina í SFS.

14.01.2022

!!! INNSKRIVING TIL 1.FLOKK OG FRÍTÍÐARSKÚLA !!!

Innskrivingin til 1.flokk og frítíðarskúla er byrjað. Freistin at skriva seg inn er sunnudagin 16.jan.

Børnini, ið ganga í forskúla eru tíðanverri ikki sjálvskrivað til 1.flokk og frítíðarskúla. Tí er av SERA stórum týdningi at tit minnast til at skriva børnini inn.

29.11.2021

JÓLAHUGNI

Ætlanin var, at vit í "grunddeildini" skuldu hava jólahugna saman niðri í skúlanum í morgin týsdagin 30.nov.

Vegna koronustøðuna er hetta broytt til, at vit í forskúlanum hava jólahugna fyri okkum sjálvi uppi í forskúlanum.

25. november 2021

Góðu foreldur og avvarðandi!

Vit hava í dag prátað við børnini um netflix røðina ‘Squid Game’, sum hevur 16 ára aldursmark. Orsøkin til hetta prátið er, at fleiri foreldur hava vent sær til okkara, tí at teirra børn hava fingið fortalt um hesa óhugnaligu røð frá sínum javnaldrum. Hetta hevur sett síni spor, so børnini nú kenna seg ótrygg og bangin.

Tað vísir seg, at fleiri børn hava sæð alla røðina, ímeðan onnur hava sæð partar av henni – nærum øll børnini kenna til hana, og tey spæla nú spøl, sum relatera til hana. Í summum førum tykist tað, at foreldrini eru vitandi um, at teirra barn sær røðina, og í øðrum førum vita tey ikki av tí.

Tað er sera týdningarmikið, at tit práta við tykkara barn um hetta, og um, at tað er ein orsøk til, at aldursmarkið er sett til at vera 16 ár. Forskúlabørnini eru sostatt alt ov ung at síggja og administrera slíkt s.s. ‘Squid game’. Hetta fyri betur at kunna geva børnunum ein so góðan, tryggan og sorgleysan barndóm sum gjørligt.

Vónandi skilja tit okkara stúran hesum viðvíkjandi.

 

Vinaliga

Vit í forskúlanum

23.11.2021

Góðu foreldur og avvarandi,

Sum vit kunnaðu tykkum um á foreldraviðtaluni, fara vit at hava ein pakkakalendara og ynskiligt er at pakkarnir eru okkum í hendi í seinasta lagið fríggjadagin 26.nov.

 

Viðrið á pakkanum er um 25kr. og tað skal ikki vera søtmeti/góðgati.

Viðmerki á pakkan hvønn pakkin er hugsaður til, "D" um pakkin er ætlaður "dreingi", "G" um pakkin er ætlaður "gentu" ella "D/G" um pakkin er ætlaður bæði til "drong og gentu".

 

 

21.09.2021

Í morgin mikudagin 22.sep. skulu børnini ikki hava matpakka við í skúla.

Vit bjóða bollar og frukt.

Frítíðarskúlin hevur stongt í morgin vegna ráðleggingardag, og tí skulu børnini heintast kl.11.20

Foreldrafundur verður mánadagin 13. september kl 19.

18.08.2021

Stóra tøkk fyri ein góðan fyrsta skúladag.

Í morgin hósdagin 19.aug. byrja vit okkara vanligu skúlagongd.

Sum tykkum kunnugt, er skúlin opin frá kl.07.30

Børnini hava ein lítlan matpakka og ein vatndunk við í skúla. Hetta skal leggjast í køliskápið í flokkinum.

Tann stóri matpakkin verður lagdur í køliskápið í frítíðarskúlanum, har eitt B stendur á.

Vit gleða okkum at síggja tykkum aftur í morgin :) 

Góðu børn og foreldur/avvarandi!

Vit gleða okkum at síggja tykkum týsdagin 18.aug.2021

Vit møta kl. 13.00 í fimleikarhøllini.

Verið hjartaliga vælkomin

Vinarliga 

Anna, Konny og Vár