Kunning
Ongin skúlagongd verður týsdagin 27. januar vegna skeiðsdag í tiltakinum "Betri vinir" hjá lærarum í grundeild.
Ongin skúlagongd verður hósdagin 5. februar vegna heildartiltak fyri skúlar í Føroyum sum Undirvísingarstýrið skipar fyri.
Ongin skúlagongd verður fríggjadagin 18. mai vegna árliga lagdan frídag hjá skúlanum.
Tit fáa nærri kunning frá frítíðarskúlanum, um nær tey lata upp ávísu dagarnar.
Føst boð: Lesa uml. 20 min. í lesibókunum heima og skriva í lesikortið.
1. "Hvar rakst tú neyt míni?" segði kall. "Beint niðan í akur tín!" segði svein ungi.
2. "Skamm fái tú rekandi!" segði kall. "So fái tú biðjandi!" segði svein ungi.
3. "Hevði eg hildið á spóni mínum!" segði kall. "Staðið fastur í góma tínum!" segði svein ungi.
4. "Hevði tú verið flongdur!" segði kall. ”Við mjúkari ostflís." segði svein ungi.
5. "Við skørpum áli!" segði kall. "Ryggur tín ligið undir!" segði svein ungi.
6. "Hevði eg hildið á knívi mínum!" segði kall. "Staðið fastur í lívi tínum!" segði svein ungi.
7. "Hevði tú hingið í berginum!" segði kall. "Góð lína á mær." segði svein ungi.
8. "Einfaldur hosnatráður!" segði kall. "Sjálvur tú á endanum." segði svein ungi.
9. "Hevði tú flotið á havinum!" segði kall. "Góður bátur undir mær." segði svein ungi.
10. "Ongar árar!" segði kall. segði kall. "Lotið ligið at landinum!" segði svein ungi.
1. Øskudólgur og sópingarkona
hildu sær at gaman,
hvussu skulu vit liva,
tá ið vit koma saman?
2. Vit skulu taka tráðu í hond,
ganga oman við á,
fiska okkum smásíl
og føða okkum svá.
3. Hvussu skulu vit liva,
tá ið síl eru eingi í á?
Vit skulu okkum í havið út
stóran físk at fá.
4. Hvussu skulu vit liva,
tá ið fiskurin vil ikki bíta?
Vit skulu okkum í bóndans garð
at treskja kornið hvíta.
5. Hvussu skulu vit liva,
tá ið bóndin eigur einki korn?
Vit skulu taka lúður í hond
og blása hart í horn.
6. Hvussu skulu vit liva,
tá ið hornið vil ikki láta?
Vit skulu taka hamar og tong
og smíða skip og bátar.
7. Hvussu skulu vit liva,
tá ið báturin vil ikki ganga?
Far tær aftur í dungan út,
eg vil ikki við teg pranga!
20/11-25
Til foreldur og lærarar stendur m.a. í bókini, at:
Lær teg at stava 2 byggir á tað, sum er lært í Lær teg at stava 1.
..tað er týdningarmikið, at tey (børnini) áhaldandi venja skriftina.
"Súlan stavraðið" er vegleiðing um bókstavasnið, skrivileið og hvussu bókstavurin stendur á grundlinjuni.
Aftast í bókini er eisini ein vegleiðing.
Av tí at børnini til tíðir kunnu hava trupult við at hugsavna seg í skúlanum, og lætt ávirkast av hvørjum øðrum, vilja vit heita á tykkum heima, at hjálpa tykkara barni við at sita í friði, gera sær ómak og hugsavna seg um at loysa uppgávurnar innanfyri uml. 30 min.
"Lær teg at stava" verður á skránni uml. eina ferð um vikuna og telur eisini sum lesivenjing.
Børnini hava fingið bólkarnar at vita í dag. Vit tosaðu eisini um, at vit hava spælibólkar fyri at tey skulu venja seg við at spæla við og vera saman við øllum børnunum í flokkinum.
Um tit hava spurningar eru tit vælkomin at ringja ella skriva til mín.
Bh Birna
Bókstavaspøl
Tað eru fleiri ymisk spøl/venjingar at gera við bókstavunum í lesimappuni.
- Leggja bókstavaraðið (og tel hvussu nógvir bókstavir eru)
- Flokka hjáljóð, sjálvljóð og tvíljóð (og tel hvussu nógv eru av hvørjum)
- Byggja orð: orð við 1, 2, 3, 4 ella 5 bókstavum
- Rím orð: hús-mús-lús, il-bil-Emil, ál-kál-nál-mál, er-Per-her
- Orðaslangu: Síðsti stavur í orðinum er fyrsti stavur í næsta orði: sól-lás-súla-apa-abbi-il-lamb-ber-rás
- G-spæl: Sum í H&H - til ber eisini at velja annan bókstav enn G
- N-orð: Sum í H&H - til ber eisini at velja annan bókstav enn N
Fyri summi børn verður spælið stuttligari, um tit eisini taka tíð.
Til íblástur hyggið í "Súlubøkurnar" sum tit hava heima.
Eru ivamál, eru tit vælkomin at spyrja læraran.
Í bókhandlinum ber til at keypa súlukortspæl sum kann brúkast til spølini stavilsiskríggj og fiska.
Byggja orð
Børnini hava pappírsbókstavar (teir vit hava lært higartil) í lesilummanum, sum tey kunnu spæla við. Um onkur bókstavur manglar, kunnu tit gera ein nýggjan heima.
Venjið navn á bókstavi, ljóði, og stavilsir (klapp) í orðinum tey byggja.
Tey kunnu skrivað orðið/orðini tey byggja við bókstavunum á ein lepa og geva læraranum hann í skúlanum.