6.floks næmingar hava verið á floti við Westward Ho. Árliga fiskikappingin, sum manningin á Westward Ho og Tórshavnar kommuna skipa fyri, hevur verið. Veðrið og streym viðurskiftini vóru av teimum bestu, so næmingarnir høvdu 2 góðar dagar á fjørðinum. 6.a var fyrri flokkurin úti. Tey fiskaðu 36 fiskar. 6.b fór dagin eftir, og fingu tey 17 fiskar.

Sum siður hevur verið seinastu árini, so skuldi fiskurin hagreiðast og gerast til døgurða. Við kønari hjálp frá húsavørðinum, lærarum og stjóra, hugnaðu børnini sær við matgerð og einum deiligum døgurðabita í skúlakøkinum.