16 ára gamli Tóki Jansson, sum er fyrrverandi næmingur í Sankta Frans skúla, hevur gjørt sína egnu sjónvarpsrøð. Tóki hevur framleitt og leikstjórnað alla røðina púra einsamallur, og tað hevur hann gjørt so mikið væl, at røðin herfyri kom við á Buster barna- og ungdómsfestivalin í Danmark, har hon bleiv frumframsýnd.
- Tóki har arbejdet på serien, siden han var 15 år og lært sig at animere, optage lyd og instruere imens. Han er et kæmpetalent og på BUSTER Filmfestival, er vi meget stolte af, at have VERDENSPREMIERE på serien under vores tema BØRN LAVER FILM, stendur at lesa á buster.dk.
Skúla Scam, sum røðin hjá Tóka eitur, snýr seg um vinirnar Pætur, Sólskín og Bob, ið ganga í einum løgnum skúla. Tímarnir eru stuttir, fríkorterini long, og lærararnir eru líka vánaligir sum maturin.
Seinnapartin í dag sleppa lærarar og elstu næmingar í Sankta Frans skúla í Havnar bio at síggja røðina hjá Tóka, og tað gleða vit okkum til. Vit ynskja Tóka hjartaliga til lukku.
Sí brot úr røðini her:
Tekstur: Katrin Erlendsdóttir