SKÚLANÝTT
Leiðreglur fyri skúlabyrjanina
16/04-2020

Koma og fráferð á stovni –

Vøggustova, barnagarð og frítíðarskúla

  

Til foreldur:

 Koma og fráferð

·      Ger skjótt av, tá tú kemur við barninum, eisini tá tit fara heim.

·      Hald frástøðu – møguliga er bíðitíð, at koma inn á stovnsøkið ella stovnin.

·      Koma og fráferð fer í størstan mun fram í garðinum/uttandura, serliga elstu børnini. Mugu tit innandura, so halt teg í ganginum. Hetta fyri at minka um smittuvandan hjá børnum og starvsfólkum.

·      Nýti einans inngongdina til stovuna hjá barni tínum, um hetta letur seg gera.

·      Tað verður ikki loyvt, at ganga ímillum stovurnar innandura í eina tíð.

Reinføri

·      Vaska/spritta hendurnar væl, bæði við komu og fráferð.

·      Syrg fyri, at barnið hevur rein og eyka skiftiklæði í klædnaklivanum.

·      Hugsað eyka nógv um reinføri hjá barninum. Um tit hava møguleika, so skift klæðini hjá barninum hvønn dag.

Tosa við barnið um støðuna

·      Minn barn títt og teg sjálvan á at vaska/spritta hendurnar javnan. Serliga tá tit koma á stovnin og tá tit fara heim.

·      Greið frá um frástøðu og týdningin av tí.

·      Práta við barn títt, um hvussu tað á bestan hátt fær vart seg ímóti smittu.

·      Práta við barn títt, um at fyrsta tíðin á stovni verður øðrvísi, tí hædd skal takast fyri smittuni. Øll mugu ansa eftir hvør øðrum.

·      Greið barni tínum frá, at virksemi í størstan mun verður uttandura.

Við sjúkueyðkenni halt barnið heima

·      Um barn títt hevur sjúkueyðkenni, skal tað ikki á stovn. Barnið kann koma aftur á stovn, 48 tímar aftaná seinasta sjúkueyðkenni.

·      Um tú ert sjúk/ur ella onnur í húskinum, skal barn títt ikki á stovn.

·      Um tú verður uppringd/ur, um at barn títt er sjúkt, skal tað heintast beinanvegin.

·      Hugsað um kensluligu støðuna hjá barni tínum. Spyr inntil.

Filmur til børn um reinføri o.a.