SKÚLANÝTT
Skúlin stongdur longu fríggjadagin. English version included
12/03-2020

Góðu foreldur

Nýtt kunningarskriv kom í dag uml. kl. 15.00.

In English (please follow the school's web page Vikuætlan for homework)

Her stendur:

“Boðað verður hervið frá, at avgjørt er, at allir næmingar í fólkaskúlanum skulu vera heima við hús skjótast til ber og í seinasta lagi frá mánadegnum 16. mars 2020.”

Grundað á hesi boð gera vit vart við, at vit í mest møguligan mun avmarka undirvísingina longu í morgin, fríggjadagin 13/03-20.

Tí heita vit á øll, sum hava møguleika fyri at hava síni børn heima longu í morgin, um at gera hetta.

Tit, sum ikki hava bøkur heim við, kunnu koma á skúlan í morgin ímillum kl. 8.00 og 15.00 fyri at taka bøkurnar heim við.

Lærararnir leggja boð í vikuætlaninar hjá flokkunum, hvat skal gerast hvønn dag heima.

Foreldur, sum arbeiða í serliga avgerandi økjum, og sum ongan møguleika hava fyri at fáa síni børn ansaði, mugu venda sær til skúlaleiðsluna við grundgevingum fyri, hví tørvur er á skúlatilboði. Hetta skal gerast í seinasta lagi fríggjadagin 13/03-20 kl. 13.00.

Tó eru tað einans næmingar í forskúla til 3. flokk, ið kunnu hetta.

Vinarliga boða tykkara flokslærara frá, um tykkara børn ikki koma í skúla í morgin.

 

Vegna Sankta Frans skúla

Jóhan M. Stenberg

Varaskúlastjóri

Telefon 282533