SKÚLANÝTT
Eydna í 6.b vann tráðuna
24/09-2020

Tað var heldur vátt í veðrinum, fríggjadagin 11. september, tá 6. B fór til fiskiskap við gomlu sluppini Westward Ho. Tað var eisini fitt av vindi, so tað stóð illa niður, men hóast tað vóru næmingarnir raskir og ágrýtnir. Eydna R. Nielsen var so heppin at fáa størsta fiskin, sum varð fiskaður í kappingini millum 6. flokkarnar í Tórshavnar kommunu. Á hugnaligari samkomu í sangstovuni í dag fekk Eydna vinningin handaðan. Tað var ein flott tráða, sum P/F Jógvan Weihe lat. Vit ynskja Eydnu hjartaliga til lukku.