27. feb. 2020
Væleydnaður foreldrafundur

Tað var ein væleydnaður foreldrafundur, sum skúlastýrið skipaði fyri í kvøld.

Eini 70 fólk vóru komin til tiltakið, har Sjúrður Skaale við fyrilestri sínum var høvuðspersónur eina løtu. Hann tosaði um siðmenning og dannilsi, sum er ein stórur partur av samfelagnum og ikki minst skúlanum. Skemtiliga greiddi hann frá instinktinum í okkum menniskjum mótvegis tí, sum samfelagið væntar av okkum. 

Formaðurin í skúlastýrinum, Jan M. Laursen, upplýsti, hvørjum málum skúlastýrið hevur havt á skrá hetta skeiðið. Spælipláss, framhaldadeild og parkeringsviðurskifti hjá starvsfólkum skúlans vóru nøkur teirra. 

Aslaug Olsen, skúlastjóri, og Áki Mørk, læraraumboð í skúlastýrinum, søgdu eisini frá ymiskum virksemi í skúlanum. Summi afturvendandi, sum stava heilt frá tíðini við nonnunum í skúlanum, men eisini ymisk nýggj tiltøk og fyriskipanir.

 

Myndir: Jan M. Laursen

Tekstur: Katrin Erlendsdóttir

20. jun. 2025
Summar-sangløta 19. juni 2025
18. jun. 2025
Prógvhandan 9. flokkur, juni 2025
18. jun. 2025
Grund­deildin í Havnardali
17. jun. 2025
Gongutúrur við mið- og hádeild
16. jun. 2025
Søguligur dagur á Sankta Frans skúla
15. jun. 2025
Listaverk­ini í nýggju hádeild­ini liðug.
15. jun. 2025
Ítróttardagur hjá grund­deildini
Sí eldri tíðindi