Hon doyði í barsilssong. Hesi fáu orð vóru í nógvum førum einasta eftirmæli yvir kvinnurnar, sum lótu lív í barnferð. Lagnur teirra hava søguliga verið umgirdar av tøgn og trauma. 

Tær góvu lív er føroysk kvinnusøga og gevur eina fjølbroytta mynd av fyribrigdinum barsilsdeyði; søguliga og heilsuliga, sosialt og sálarliga. 

Bókin er partvíst ein alment tillagað útgáva av master-ritgerð høvundans um barsilsdeyða í Føroyum síðst í 19. øld, lýst við tátíðar læknabrillum og øðrum søguligum keldum. Harumframt eru samrøður við núlivandi eftirkomarar um sosialu og sálarligu avleiðingarnar av at missa eina ættmóður í sambandi við barnsburð.