Ofelia er nýggi leiðarin í Krypto, og tað gongur ikki long tíð, áðrenn Bernard og hon mugu fara undir eina nýggja og vandamikla uppgávu. Tí Dalis er farin til Tey sameindu, og hon hevur tikið lítla Krako við sær!

Á vegnum uppdaga Ofelia og Bernard gátuførar beinagrindir av skrímslum, og tað verður greitt, at Dalis ikki hevur nakað gott í hyggju. Skrímsl og menniskju eru í størri vanda enn nakrantíð!

Frystin er áttanda bókin í røðini Krypto. Hans Jørgen Sandnes hevur skrivað og teknað røðina.

Bókin er reyður krossfiskur og partur av krabbarøðini hjá Bókadeild Føroya Lærarafelags og Námi.