Landsroyndin í 4. og 6. flokki verður hildin frá týsdegnum 14. apríl til fríggjadagin 17. apríl.

• Næmingarnir hava oyramikrofon við sjálvi. Tey, sum onga eiga, kunnu lána frá skúlanum. 
• Næmingar kunnu hava okkurt etandi og drekkandi inn við. Tað skal tó ikki órógva onnur. Í slíkum førum verður tað tikið frá næminginum, og fær hann tað aftur eftir royndina. 
• Næmingarnir hava vanliga skúlagongd áðrenn og/ella aftaná landsroyndina, í tann mun tað ber til. 

Leiðreglur í sambandi við Landsroynd

• Internetið er í høvuðsheitum opið til royndarhaldið, og allir hjálpimiðlar eru loyvdir. Hetta merkir, at næmingurin kann reika frítt á internetinum og kann hava lærubøkur, uppgávur og annað tilfar við til royndarhaldið. Nýtir næmingurin IntoWords, so er tað eisini loyvt.
• Næmingurin hevur ikki loyvi at brúka lummaroknara í støddfrøði. Tað er ikki loyvt at brúka lummaroknara á telduni/netinum. Heldur ikki er loyvt at nýta avritingarforrit t.d. (Photomath) til loysn av uppgávum í støddfrøði.
• Næmingurin hevur loyvi til at samskifta við umsjónarfólkini/vaktirnar í royndarhølinum. Alt annað samskifti er ikki loyvt.
   

Tíðarkarmarnir fyri landsroyndina síggjast niðanfyri.