Einglarnar á myndunum her hava næmingar í 5. og 6. flokkunum gjørt í evning.

Hóast onkur helt tað vera ótrúliga tíðliga at gera jólaprýði, skuldi ikki nógv til, fyrr enn tey øll vóru við at koma í jólahýr og byrjaðu at gera einglar.

Vit brúktu tveir tímar í evning til hetta, og tá tíðin var við at fara frá okkum, bar næstan ikki til at steðga teimum.

Tey gjørdu so nógvar einglar í part, sum tey fingu stundir til, og at enda hevði hvør flokkur rættiliga nógvar einglar. Teir koma tó ikki at vera í flokkunum, tí tey vóru øll samd um at taka einglar sínar við til hús, har teir fara at prýða um - tá jólini einaferð koma :)