Luciadagur og stuðul til Lundastovu

Sum siður er, gingu genturnar úr 7. flokkunum Lucia í dag og skaptu hugnaliga jólastemning á skúlanum. Eisini bleiv peningurin, sum kom inn á loppudegnum 5. desember, handaður.

Í ár komu 16.041 krónur inn á loppusøluni. Næmingaráðini saman við námsfrøðiliga ráðnum hava avgjørt, at stuðulin verður latin Lundastovu á sjúklingahotellinum Tórshavn. Lundastova er barnarúmið á hotellinum.

Sonni Djurhuus frá Landssjúkrahúsinum tók ímóti vegna sjúklingahotellið. Hann takkaði hjartaliga fyri og segði, at tey hava ikki heilt avgjørt, hvat peningurin verður brúktur til enn, men lovaðu at senda myndir, tá ið tey hava verið og keypt inn.