Týsdagin fóru okkara 7. flokkar til verka og ruddaðu kring skúlan. Tiltakið var partur av innsavning til námsferð í apríl, sum verður í Albir í Spania.

Næmingarnir tóku væl undir við uppgávuni, og tey møttu hugagóð og  vístu gott arbeiðslag. Tey býttu seg í bólkar og fóru síðani í gongd við at lúka, rudda skúlagarðin, vaska kring bygningarnar og út til vegirnar. Dagurin gekk sera væl, og tað sást týðiliga, hvussu nógv tey høvdu fingið burturúr.

Skúlin  takkar 7. flokkunum fyri framúr gott arbeiði.