Føstuhaldið í Sankta Frans var eitt sindur øðrvísi í ár, við tað at tunnan bleiv sligin fríggjadagin. Alt annað var tó sum vanligt við føstuhaldi og grýlum mánadagin. 
Nógvar flottar og sermerktar grýlur vóru, og fleiri teirra vórðu eisini heiðraðar fyri at hava gjørt so nógv burtur úr við heiðrum sum ársins stuttligasta, fittasta og so framvegis.

Aftur í ár bjóðaði skúlin okkum øllum kakao, og foreldur høvdu verið so beinasom at baka okkurt leskiligt afturvið. Enn ein frálíkur dagur.