Reglugerð í samband við skrivligar royndir
Allir næmingar í 7., 8. og 9. flokki fara upp í skrivligum royndum í føroyskum, donskum, enskum og støddfrøði. Skrivligar royndir verða hildnar í november/desember, februar/mars og mai/juni. Tó er 7. flokkur undantikin skrivligu royndini í februar/mars, grundað á verkætlanararbeiði.
Í teimum málsligu lærugreinunum (føroyskt, danskt og enskt) fáa næmingarnir uppgávur í málførleika (stavseting, mállæra og lesifatan) og framseting.
Í støddfrøði fáa næmingarnir uppgávur í greiðslu- og fimisrokning.
Tíðarkarmarnir fyri skrivligu royndirnar síggjast niðanfyri.
| 7. flokkur | 8. flokkur | 9. flokkur | |
| Føroyskt |
Málførleiki – 90 min Framseting – 180 min |
Málførleiki – 90 min Framseting – 210 min |
Málførleiki – 90 min Framseting – 210 min |
| Danskt |
Málførleiki – 90 min Framseting – 180 min |
Málførleiki – 90 min Framseting – 210 min |
Málførleiki – 90 min Framseting – 210 min |
| Enskt |
Málførleiki – 90 min Framseting – 150 min |
Málførleiki – 90 min Framseting – 180 min |
Málførleiki – 90 min Framseting – 180 min |
| Støddfrøði |
Fimisrokning – 60 min Greiðslurokning – 180 min |
Fimisrokning – 60 min Greiðslurokning – 240 min |
Fimisrokning – 60 min Greiðslurokning – 240 min |
Reglur í samband við skrivligar royndir
1) Møtið stundisliga. Royndarhølið letur upp 30 minuttir áðrenn royndin byrjar. Vit viðmæla, at næmingarnir møta í seinasta lagi 10 minuttir fyri ásettu tíðina.
2) Fartelefonir og onnur elektronisk útgerð skulu sløkkjast og leggjast hjá læraranum.
3) Havið eitt vælútgjørt pennahús við. Næmingarnir skulu hava hesi amboð við sjálvi:
Skriviamboð, linjál, viskileður, passara, vinkulmátara, lummaroknara og smátalarar, sum passa til Chromebooks.
4) Næmingurin hevur loyvið til at samskifta við vaktirnar í royndarhølinum. Alt annað samskifti á netinum og sínamillum er ikki loyvt. Tað skal vera friður í royndarhølinum.
5) Internetið er opið til royndarhaldið, og allir hjálparmiðlar eru loyvdir. Hetta merkir, at næmingurin kann reika frítt á internetinum og kann hava lærubøkur, uppgávur og annað tilfar við til royndarhaldið. Tó er ikki loyvt at nýta lummaroknaran til fimisrokning.
6) Tað er ikki loyvt at spæla spøl, hyggja at filmi, brúka tekniforrit og lurta eftir tónleiki á telduni, meðan royndin er. Um næmingurin ynskir at lurta eftir tónleiki, skal tað koma frá einum tóli, ið ikki hevur netsamband.
7) Verið sitandi alla tíðina, meðan royndin er. Biðið vaktina um loyvi, um tit skulu út. Havið fyrilit og hugsið um ikki at órógva hini.
8) Tað er ikki loyvt at avrita avrik, ið onnur hava gjørt. Tað er somuleiðis strangliga bannað, at nýta vitlíki til skrivligu royndirnar.
9) Í framseting og greiðslurokning kunnu næmingar fara, tá ið tveir tímar eru farnir. Næmingar, ið fara áðrenn tíð, skulu fara út av skúlans øki.
Um næmingur ikki heldur seg til galdandi reglur, verður hann burturvístur, og heimið verður kunnað.
Góð ráð í samband við skrivligar royndir
· Fyrireika teg væl.
o Les ígjøgnum tínar undanfarnu uppgávur.
o Tak tínar grundbøkur, notatir og eldri uppgávur við frá undirvísingini.
o Tryggja tær eitt fullfíggjað pennahús.
· Verð úthvíld/ur áðrenn royndina. Far hóskandi tíðliga í song.
· Verð vælupplagd/ur á royndardegnum. Et ein góðan morgunmat og hav ein góðan matpakka og okkurt drekkandi við.
· Møt og verð til reiðar til tíðina, 10-15 minuttir áðrenn royndin byrjar.
· Brúka royndartíðina skilagott og til fulnar.
· Rætta og hygg ígjøgnum tína uppgávu, áðrenn hon verður latin inn, soleiðis at úrslitið verður so gott sum gjørligt.
Fleiri góð ráð síggjast á heimasíðuni hjá les.fo, sí leinki. Próvtøka - Góð ráð (les.fo)
Í samband við støddfrøði royndir
· Gula handbók er eitt hent amboð at hava við, men hon liggur eisini á netinum.
· Tak tínar undanfarnu fimisrokningar og greiðslurokningar við til greiðslurokning royndina. Hetta er góður íblástur til, hvussu tú hevur roknað stykkini áður og hvussu tú setur tað upp. Eisini eru viðmerkingarnar frá undanfarnu uppgávum góðar at minnast til.
· Hav góðar blýantar/pennar, viskileður, linjál, passara, vinkulmátara og egnan lummaroknara við. Annað viðkomandi tilfar kundi verið einglablóð og litblýantar.
· Tryggja tær, at tín lummaroknari hevur rættar innstillingar, so at hon roknar rætt út. Skúlin viðmælir roknimaskinuna Texas Instrument.
Framseting (stílar)
Næmingar í 7., 8. og 9. flokki skulu upp í framseting í føroyskum, donskum og enskum. Allir hjálparmiðlar eru loyvdir, eisini teldutøkar orðabøkur og rættstavari.
Tað er strangliga bannað at nýta vitlíki ella líknandi amboð til framseting. Brot á hetta kemur undir svik.
Gevið tykkum tíð at lesa og rætta stílin væl og virðiliga, so úrslitið gerst so gott sum gjørligt.
Uppseting av framseting
· Skriva við ”Times New Roman”
· Yvirskrift við stødd 16, og tekstin annars við stødd 12
· Reglumillumrúm 1.5
· Reglubrot skulu vísast við dupultum regluskifti
· Breddin skal vera “venstrejusteret”, . Tó kunnu yvirskriftir standa í miðstøðu.
Vegleiðandi stílalongd:
Føroyskt og danskt:
7. flokkur 1700 – 2600 tekn við millumrúmum
8. flokkur 2600 – 3700 tekn við millumrúmum
9. flokkur 3700 – 4900 tekn við millumrúmum
Enskt:
7. flokkur 1600 – 2100 tekn við millumrúmum
8. flokkur 2100 – 2500 tekn við millumrúmum
9. flokkur 2500 – 3700 tekn við millumrúmum
Støddfrøði (greiðslu- og fimisrokning)
Næmingar í 7., 8. og 9. flokki skulu upp í greiðslu- og fimisrokning í støddfrøði.
Greiðslurokning
Í greiðslurokning verða uppgávurnar loystar við hond. Fornavn, eftirnavn, flokkur og lærugrein skal tilskilast á øllum ørkunum, sum verða latin inn.
Allir hjálparmiðlar eru loyvdir. Tó er ikki loyvt at nýta talgild avritingarforrit t.d. Photomath.
Grundað á møguligt svik, er lummaroknarin á telefonini ikki loyvdir.
Fimisrokning
Næmingurin hevur ikki loyvi til at brúka nøkur hjálpitól.
Næmingurin fær kladdu frá skúlanum. Skriviamboð o.a. viðkomandi tilfar hevur næmingurin sjálvur við.