Næmingar okkara í 1. og 2. flokkunum vóru mikudagin úti í Lítlagarði og gjørdu sær hvør sítt høvd av Grækarisi Grashøvdi. Tað er hann sjálvur, sum Ævintýraferðin syngur um. "Hann hevur ein hava á høvdinum..." Ein hugnaligur dagur við ógvuliga arbeiðssomum næmingum.
Nú standa nógvir Grækarisar í vindeygunum í skúlanum, tí fyri at grasið skal fara at vaksa á høvdinum, mugu teir hava nógv ljós og vatn. So teir verða javnan vatnaðir eisini.
Sangurin um Grækaris Grashøvd stendur í Hervør og Høgni-lesibókini til 1. flokk, og í henni er eisini ein uppskrift, sum vísir, hvussu vit kunnu gera okkara egna Grækaris Grashøvd.
Grasfræ og saguspønir verða koyrdar í ein neilonsokk, sum síðani verður prýddur og gjørdur til eitt andlit. Tá skallin við frænum í er vatnaður væl í eina tíð, fer gras at vaksa úr honum, soleiðis at vit ikki longur hava eitt skallut høvd, men eitt grashøvd.