Vika 05 - 2023

Mánadagur
30. januar
Føroyskt
Heima: arbeiðið í Vanlig orð 1-3 (handa grøndæmda bókin, ið hoyrir til Finku).
Skúla: mállæra í Ljóð- og mállærubókini og floksins tími (samansjóðing við 2.a).
GG: eg eri burturstaddur í skeiðsørindum allan dagin, so ein vikarur lesur mínar tímar - annars er Hildur til staðar.
Rokning
Heima: Ven 4 og 5 tabellina + næm. skal hava gjørt s. 112. 
Í skúlanum: Evnið hesa vikuna er " býta " s. 114 -121. 
Týsdagur
31. januar
Føroyskt
Heima: við støði í Frálíku fýra nærlesa tit Lívið í litum (s. 74 - 80); gevið orðabókunum og tankabløðruni ans við at práta um hesar.
Skúla: viðgerð av tekstinum til í dag, áðrenn vit gera tilhoyrandi uppgávur í Arbeiðsbók 1.
Rokning
Heima: Ger 2 - 3 síður í " Reyðu " bókini + ven 5 tabellina.
Í skúlanum: Verkstøð  - " Vit býta ".
Mikudagur
1. februar
Føroyskt
Heima: arbeiðið í Vanlig orð 1-3 - roynið og blívið liđug nokkso skjótt:)
Skúla: vit venja kvæði, men gera eisini uppgávuna um Ólav Riddarós lidna, sum vit byrjaðu uppá hósdagin (handa í illustratións-heftinum); upplestur fyri rest.
Rokning
Heima: Spæl Yatzy / legg klokku ella annað kort / brettspæl tær dámar.
Í skúlanum: Vit spæla kort + verkstøð.
Hósdagur
2. februar
Føroyskt
Heima: nærlesið Lokki Litaval við støði í Frálíku 4 (les s. 38, um eitthvørt ivamál enn skuldi verið um hesa lesimetodu!).
Skúla: vit venja kvæði og sangir, ið hoyra álmanakkanum til, áðrenn vit fara oman í gomlu kirkjuna at kvøða; annars viðgerð av teksti og uppgávur í Arb 1 og upplestur/bókasavn.
Rokning
Heima: emat.dk - tað gongur sera væl. Far inn og ger uppgávur sum mangla at gerast + trýst á stjørnuna ovast og ven ein roknihátt.
Í skúlanum: emat.dk
Ítróttur
Gentur svimja - minnist til brillur + elastikk. Dreingir hava ítrótt.
Fríggjadagur
3. februar

Ólavur Riddararós

Í fjør vandu og viðgjørdu vit Sigmunds Kvæði yngra og Nykursvísu, umframt eina røð av øðrum kvæðum og sangum, ið hoyra føstuni og árstíðini annars til, og sum vit enn, sjalvandi, kvøða og syngja. 

So verður eisini í ár, og verður tað kvæðið um Ólav Riddarós, ið var fyri eini endurføðing við Týrsa rokkútgávu fyrst í 0unum, meini eg.

Kvæðið er 39 ørindi, og taka vit 5 ørindi fyri dagin; sum merkir, at vit koma á mál innan tvær vikur. Saman við 2.a ætla vit at gera einhvørja verkætlan bururúr hesum arbeiði.

Afturfyri, nú tit fara at venja so dúgliga og leggja tykkum eina við søguna, hvat kvæðið er um!, fer Finka í bíðistøðu (tvs tit skulu ikki lesa í næmingabókini í tvær vikur.)

Allir næmingar í 2.b hava fingið hvør sítt kvæðahefti, sum kvæðanevnd skúlans hevur evnað til; ansið eftir tí, hetta er tykkara, og er tað við hesum hefti, tit læra kvæðið.

Brellbitar:

Týr

https://www.youtube.com/watch?v=6T02PaiYepw

Valravn

https://www.youtube.com/watch?v=WMlUhLRaV5o

 

 

 

Lesisnildir og bókasavn

Sum sagt lesa vit hvønn dag til tess at fremja næmingsins lesiførleika. Í minsta lagi tíggju minuttir. 

Næmingurin skal lesa hart fyri einum vaksnum, og tann vaksni skal lurta. Rætta, um neyðugt, men ikki í ein mun, har tað gerst ein plága, so at næmingurin missir hugin at lesa - tað má ikki henda!

Í Næmingabókini er annars ein umráðandi partur um lesisnildur, sum tit skulu taka til tykkum, foreldur sum næmingur, tá tit lesa. Men fyribils eru ráðini, at næmingurin hevur góðan kropsburð og lesur við røttum ryggi; at tann eina hondin mestsum liggur á tekstinum, og peikifingur fylgir tí orði, ið skal lesast; at hin hondin ikki er fyri munnin, men onkra aðrasteðs; og at tit vísa áhuga fyri tí, ið lisið verður - eventuelt seta spurningar meðan ella spyrja um ein samandrátt, tá liðugt lisið.

Bókasavns skúlans opnar í næstum, og tá lænir hvør næmingur altíð soleiðis, at hann hevur eina bók heima, eina í skúlanum; hin møguleikin er, at hann lænir eina bók, sum so liggur í taskuni. (Ein næmingur skal nevniliga altíð hava høvi til at lesa!)

Til ta tíð, at bókasavnið opnar, og vit, Hildur og eg, kunnu ráðgeva um val av bók, skjóti eg upp, at tit fara oman í Býarbókasavnið at læna bøkur; spyrjið vørðin harniðri um ráð, og her hugsi eg um at finna eina hóskandi bók til tykkara barn, tað veri seg viðvíkjandi áhuga og torleikastigi.

Gott fornoyilsi - at lesa saman við og fyri tykara barni er besta gávan EVER, tit kunnu geva tí!

Minnist til at lesa í minsta lagi eitt korter hvønn dag (!)

EVERY DAY ...