Lesisnildir og bókasavn

Sum sagt lesa vit hvønn dag til tess at fremja næmingsins lesiførleika. Í minsta lagi tíggju minuttir. 

Næmingurin skal lesa hart fyri einum vaksnum, og tann vaksni skal lurta. Rætta, um neyðugt, men ikki í ein mun, har tað gerst ein plága, so at næmingurin missir hugin at lesa - tað má ikki henda!

Í Næmingabókini er annars ein umráðandi partur um lesisnildur, sum tit skulu taka til tykkum, foreldur sum næmingur, tá tit lesa. Men fyribils eru ráðini, at næmingurin hevur góðan kropsburð og lesur við røttum ryggi; at tann eina hondin mestsum liggur á tekstinum, og peikifingur fylgir tí orði, ið skal lesast; at hin hondin ikki er fyri munnin, men onkra aðrasteðs; og at tit vísa áhuga fyri tí, ið lisið verður - eventuelt seta spurningar meðan ella spyrja um ein samandrátt, tá liðugt lisið.

Bókasavns skúlans opnar í næstum, og tá lænir hvør næmingur altíð soleiðis, at hann hevur eina bók heima, eina í skúlanum; hin møguleikin er, at hann lænir eina bók, sum so liggur í taskuni. (Ein næmingur skal nevniliga altíð hava høvi til at lesa!)

Til ta tíð, at bókasavnið opnar, og vit, Hildur og eg, kunnu ráðgeva um val av bók, skjóti eg upp, at tit fara oman í Býarbókasavnið at læna bøkur; spyrjið vørðin harniðri um ráð, og her hugsi eg um at finna eina hóskandi bók til tykkara barn, tað veri seg viðvíkjandi áhuga og torleikastigi.

Gott fornoyilsi - at lesa saman við og fyri tykara barni er besta gávan EVER, tit kunnu geva tí!

Minnist til at lesa í minsta lagi eitt korter hvønn dag (!)

EVERY DAY ...

Lær teg at stava:

Lær teg at stava 1 er fyrsta bókin í eini røð av stavsetingarbókum til innskúlingina. Hugsanin er, at bókin verður nýtt um várið í 1. flokki ella fyrst í 2. flokki. Skrivihefti hoyrir til bókina.

Í bókini eru fimtan smáar søgur (fyrisagnir) og uppgávur, har børnini arbeiða við smáum, ljóðrøttum orðum. Aftast í bókini er vegleiðing til lærarar og foreldur (lesið hesa!).

Søga 1 (fyrisøgn 1)

https://snar.fo/fileadmin/05_bokavising/Laer_teg_at_stava_1/files/assets/basic-html/index.html#6

https://snar.fo/fileadmin/05_bokavising/Laer_teg_at_stava_1/files/assets/basic-html/index.html#7

Eg lesi upp sambært fastari og vælkendari mannagongd, meðan næmingarnir skriva í skriviheftið. Fyrstu tíðina rætti eg uttan eyðsýnligar viðmerkingar, men geri vart við villur, ið helst ikki skulu koma fyri.

Seinni, men fyrst í 2. flokki, geri eg vart við allar villur, gjøgnumgangi tær í felagsskapi og komi við eini úrvaldari meting, tað veri seg ivasamt, toluligt, gott ella framúr.