Føstulávintsmánadag hildu vit sum undanfarin ár í skúlanum.

Kl 8 stundisliga komu næmingarnir grýluklæddir í alskyns stuttligum og óhugnaligum búnum. Tað ræður um at vera millum tey hepnu, ið  fáa skreytblað, har á stendur, at man var ársins “stuttligasta, ljótasta, fittasta, genialasta, óhugnaligasta grýla”.  Jú, har var stórt úrval at velja í.

Eftir morgunsang var farið upp á gólv. Dansurin gekk lystiliga í høllini. So kom tunnusláingin fyri í høllini og úti í garðinum. Kattakongar/drottningar fingu krúnu á høvdið og ein søtan vinning.

Hugnaløtan inni í skúlastovuni við kakao og bollum er altíð hugfarslig. Hetta er ein øðrvísi skúladagur við stuttligum avbjóðingum og aktivitetum.

Jú, ein væleydnaður dagur bæði úti og inni og í høllini.  At fara heim og hava frí dagn eftir, mundi hóvað grýlunum so sera væl.

Myndir frá degnum eru at finna her