Seinnapartin í dag var borgarstjórin Heðin Mortensen á skúlanum og heiðraði Maritu Glerfoss fyri trúgva tænastu á skúlanum í 35 ár. Marita er ættað úr Kvívík, gift við mikladalsmanni og eiga tey børnini Robert, Tórstein og Heidi.

Marita hevur verið og er ein stak fryntlig reingerðarkona, blídlig og fyrikomandi. Á myndunum síggja vit Maritu við blómum saman við borgarstjóranum og á hinari Maritu við starvsfeløgunum í reingerðini á skúlanum og leiðslu skúlans.

Vit ynskja henni Maritu hjartaliga til lukku við merkisdegnum og blíðan byr framyvir.