Mikudagin var ein vakur heystardagur, og tá fingu børnini í Sankta Frans skúla eitt nýtt spælipláss.
Fyri umleið hálvum ári síðani varð farið undir at grava út til nýggja útgerð við síðuna av viðarlundini - spæliplássið hjá okkum í Sankta Frans, sum vit síðani tíðina við nonnunum hava nevnt Amerika. Tað hevur verið stongt í longri tíð, men er nú latið uppaftur í nýggjum hami.
Mikumorgunin kom borgarstjórin, Heðin Mortensen, niðan í skúlan og klipti snórin, og so varð Amerika við nýggjari spæliplássútgerð vígað.
Forskúlabørnini stóðu so spent og eygleiddu, meðan snórurin varð kliptur, og so tustu tey niðan í Amerika.
Tá ið skúladagurin var av, høvdu øll børnini verið í Amerika og spælt, og øllum dámdi tað sera væl. Tey vóru øll samd um, at hetta veruliga var fyri neyðini.
Orð: Næmingarnir í miðlabólkinum
Myndir: Anita Ellendersen og Elin S. Vang