Tað eydnaðist. Fyrrverandi næmingur okkara David Arge Klevang Pedersen er uttan iva ein glaður maður í dag, tí í gjárkvøldið hendi tað, sum tey flestu høvdu vónað, men kanska fá væntaðu. Marsbilurin Perseverance lendi á Mars í øllum góðum, og allur heimurin fylgdi við.
Sum verkætlanarleiðari á DTU Space hevur David staðið á odda fyri menningini av heilt serliga PIXL-myndatólinum á Perseverance bilinum ella rovaranum hjá NASA, sum skal kanna, um lív er á Mars
David er eitt gott dømi um, at um tú arbeiðir hart, so kanst tú koma langt, og vit eru stolt av at hava verið við til at lagt lunnar undir fyrstu átta skúlaár hansara.
Á leinkjuni her sæst David í samrøðu við TV2:
https://nyheder.tv2.dk/video/VDJ3TEtLdXl0ZU55bURRcXY5a1JiTllwWmpXQXgxMXU
Tekstur: Katrin Erlendsdóttir