2. a vann flogbóltskapping

Tað eydnaðist 2. a í Sankta Frans skúla at vinna flogbóltskapping fyri 2. flokkar hósdagin.
Sum liður í verkætlanini Flogbørn hjá Flogbóltssambandi Føroya vóru 2. flokkarnir bodnir til flogbóltskapping í Hoyvíkshøllini hósdagin. Danskir venjarar løgdu kappingina til rættis, og næmingarnir hugnaðu sær óført. Tað gjørdi ikki dagin verri, tá tað var greitt, at Sankta Frans skúli hevði vunnið steypið. Vit ynskja 2. a hjartaliga til lukku.