SKÚLANÝTT
Morgunløtur í desember og jólagudstænasta í Vesturkirkjuni
20/12-2018

Seinastu árini hava morgunsangir okkara verið eitt sindur øðrvísi enn vanligt í desember mánaða. Fyri líka sum at hita upp til jólini, hava vit havt ymiskt hugnaligt á skránni umframt vanliga morgunsangin við bøn.

Lærarar hava sagt frá søgum fleiri morgnar, næmingar frá tónleikaholdum okkara hava framført nakrar sangir, og sum siður er, gingu genturnar í 7. flokkunum Lusia 13. desember. Hendan sama dagin handaði Aslaug, stjóri okkara, Rúna Juul frá Team Rynkeby Føroyar pengarnar, sum vit fingu inn umvegis loppusølu okkara. Heili 16.625 kr. fingu vit inn!

Seinasta dag fyri jól vóru vit øll til gudstænastu í Vesturkirkjuni, og umframt prestin stóðu nakrir av næmingum okkara undir leiðslu av Torkil fyri einum parti av gudstænastuni. Sí myndir.