Farloyvisstarv sum námsfrøðiligur stuðul í Sankta Frans skúla
Søkt verður eftir einum námsfrøðingi í farloyvisstarv frá 01.02.2019 - 27.06.2019. Tann, ið settur verður, skal hava námsfrøðiliga útbúgving. Um eingin námsfrøðingur søkir, verður hjálparfólk sett.
Sankta Frans er ein tvísporaður skúli við forskúla til og við 7. flokk.
Í skúlanum arbeiða 30 lærarar og 2 námsfrøðingar.
Skúlin liggur mitt í høvuðsstaðnum, og eru allir hugsandi hentleikar beint við skúlan. Harafturat er viðarlundin okkara næsti granni, og her eru sanniliga nógvir møguleikar til at ríka dagin hjá næmingunum.
Um starvið:
• Stuðlarnir arbeiða í einum stuðulstoymi. Toymið samstarvar við Førleikastovuna, leiðsluna og flokslærararnar hjá teimum næmingunum, ið hava brúk fyri stuðli.
• Stuðlarnir koma at skipa verkstøð við fakligum og kreativum innihaldi. Harafturat koma stuðlarnir at arbeiða úti í flokkunum.
Tann ið settur verður, skal:
• Duga væl at samstarva, vera fyrikomandi og sýna jaligan hugburð mótvegis næmingum.
• Vera fúsur at taka á seg tær uppgávur, sum eru í skúlanum.
• Vera stundisligur og nærlagdur.
Lønar- og setanartreytir:
Starvið er sett sum sáttmálasett starv við setanarbrotið 0.75 og er lønt sambært sáttmála millum fíggjarmálaráðið og Føroya Pedagogfelag . Námsfrøðingar verða løntir í lønarflokki 11-21. Hjálparfólk verða lønt í lønarflokki 3-8
Umsóknir
Umsóknir við avriti av prógvi, c.v. og møguligum viðmæli skulu vera skúlastjóranum í hendi í seinasta lagi fríggjadagin 18.01.2019 kl. 12.00. Umsóknir verða sendar til:
Sankta Frans skúli
Varðagøta 10
FO-100 Tórshavn ella í teldubrævi til: aslaug.olsen@skulin.fo
Nærri kunning fæst við at ringja til
Aslaug Olsen, skúlastjóra, 282536 ella Jóhan M. Stenberg, varaskúlastjóra á tlf. 282533