Boð

Hey tit!
So er nýtt frá foreldrabólkinum.
Vónandi gerast tit ikki alt ov kedd av, at vit hava valt at bíða við grilling til eina ferð í vár, tá veðrið (vónandi) gerst eitt sindur betri
Men tit skulu ikki snýtast fyri tað.

Set x í kalendaran hósdagin 22. november frá kl. 16.30-18.30.
Vit bjóða til gløgg, eplaskivur og kaffi/te. Aftur hesa ferð hava vit verið so heppin, at Sophus hevur játtað okkum sodavatn til børnini og okkurt søtt verður eisini
Byrjað verður í/við skúlastovuna hjá 4. b.
Aftaná vit hava fingið okkurt gott at eta, fara vit í sangstovuna/gomlu kirkjuna at gera dekoratiónir. Foreldrabólkurin syrgir fyri leiri og granni.

At hava við:
- Borðbúnað (koppar, tallerkar, bestikk) til tykkum og tykkara.
- Okkurt at seta dekoratiónina á + ljós og pynt
- Kalendarabrævbjálva - sí meira niðanfyri.

Kostnaðurin er 200 krónur pr. familju.Systkin eru sjálvandi vælkomin við.
Vinarliga havi reiðan pening við á degnum
Hesin kostnaðurin dekkar eisini tær útreiðslur, ið vit høvdu av hugnaløtuni áðrenn summarfrítíðina í skúlagarðinum.
Sigi frá á hesum tráðnum í seinasta lagi sunnudagin 18. november, hvussu nógv vaksin og børn koma.

Jólakalendari:
Hendan dagin fara børnini at gera ein jólakalendara, sum skal hanga í skúlastovuni fram til jólar.
Tit vera biðin um at hava ein afturlatnan brævbjálva við. Tit skulu finna uppá ein aktivitet at leggja í brævbjálvan. Tað skal vera okkurt, ið flokkurin kann vera felags um, tá tey lata brævbjálvan upp. Td. ein fittur jólasangur, sum flokkurin kann syngja saman, ein lítil jólasøga, sum verður lisin upp í flokkinum, okkurt stuttligt spæl ella líknandi. Bert hugflogið setir mørkini:)

Vit gleða okkum at síggja tykkum :)

Kærar heilsanir,
Katrin, Tóra og Ingrid

Felags foreldrafundur

Diktat til tirsdag den 30.oktober

En dag havde de ikke flere penge til at købe mad for, og de måttesultne i seng. Så sagde konen til manden:" Vi er for mange her i huset. Lad os følge Hans og Grete ud i skoven og gå vores vej. Så må de klare sig selv."

 

 

☀️Summarhugni hjá 3. b fríggjadagin 8. juni kl. 17☀️

Fríggjadagin fara vit at hugna okkum saman við øllum teimum fittu børnunum í 3. b í Havnardali. Vit møta kl. 17 - koyrivegleiðing niðast!

Kostnaður DKK250 fyri hvønn vaksnan (børn eru íroknað prísin). Kostnaðurin er roknaður út frá øllum tykkum, ið hava meldað til. Hav reiðan pening (aka. C A S H) við.

Vit hava fingið tveir menn at koma at grilla heilstokt lambskrov og pylsur. Afturvið eru rómaepli og salat og okkurt gott at drekka til børn og vaksin. Vit fáa eisini okkurt søtt omaná.

‼️GG! Takið egnan borðbúnað við, tvs. tallerkar, bestikk, koppar/gløs, serviettar osv., til tykkum og tykkara.

Á skránni er hugni og spæl - júst sum børnunum lystir, meðan foreldrini kunnu sussa, drekka kaffi og sóla sær

AT HAVA VIÐ:
Teppir, gummibát, handkløð, parasollir, svimjiklæðir, skiftiklæðir, baðibóltar, le-segl, tjald - ja, akkurát tað, sum skal til fyri at hugna sær í Havnardali eina løtu.

❓Hvør kann taka kaffi/te við ☕️
Ólavur, kanst tú taka guitara við?

Vit enda uml. kl. 19 - ella ígusjer í nóg góðari tíð til at náa heim at vinna 3 mió. í Gekkinum.

Hvar møta vit? Koyr inn eftir vegnum til Havnardal (IKKI venda til høgru niðan móti fjósunum!), halt fram eina løtu til ein vegur er til vinstru. Koyr til vinstru, steðga áðrenn tit raka vatnið/ánna⛔️ — følte sig i festhumør.

Við summarkvøðu,
Foreldraráðið

Rørslufagnaður 25.mai 2018

Góðu næmingar og foreldur!

Vit í innskúlingini fara útferð til Likkudal í morgin, hósdag 24. mai. Møguleiki verður eisini at fara niðan á Kongavarðarnar. Næmingarnir møta á parkeringsøkinum við Skúlan á Argjahamri kl. 9 stundisliga. Kanska tit koyra saman.

Verið í hóskandi klæðum og góðum skóm. Havið ein góðan matpakka og okkurt drekkandi við. Næmingarnir kunnu hava okkurt søtt við eisini. Vit taka bussin aftur til skúlan og næmingarnir fáa frí kl 13.20.

Vit gleða okkum til ein hugnaligan dag :)

Vinaliga flokslæraranir

                                                                                                                Sanka Frans skúli 11. mai 2018

Góðu foreldur

Komandi vikuna verður evnisvika á skránni. Undir heitinum ”Okkara góði skúli” fara næmingarnir at royna ymisk verkstøð, t.d. hugsavnan, rørsla, list, smíð, fríðka um skúlagarðin og baka.

Harumframt fara vit í 3.a og 3.b at arbeiða kreativt við at gera kropp/rørslu myndir, skriva góð orð til hvønn annan og gera samstarvsvenjingar.

Eisini fara vit, næmingar og lærarar, at eta morgunmat saman týsmorgun 15. mai og hósmorgun 17. mai, og í hesum sambandi hava vit brúk fyri, at øll taka okkurt við til morgunmatarborðið.

 

Týsdag 15. Mai:                                                     Hósdag 17. Mai:                           

25 stk bollar: Bára                                                  25 stk bollar: Ása

25 stk bollar: Benjamin B                                       25 stk bollar: Eyðfinn

1 pk ost í skivum: Clara Victoria                            1 pk ost í skivum: Linn

1 pk ost í skivum: Tóki                                           1 pk ost í skivum: Elian

1 súltutoy: Angela                                                  1 súltutoy: Hansina

1 pk pálægsjokoláta (30 stk): Stella                       1 pk pálægsjokoláta (30 stk): Terji

1 pk pálægsjokoláta (30 stk): Gabriel                    1 pk pálægsjokoláta (30 stk): Turid

1 pk pálægsjokoláta (30 stk): Andrea                    1 pk pálægsjokoláta (30 stk): Jákup

3 L appilsindjús: Lýðar                                            3 L appilsindjús: Benjamin R

3 L multidjús: Eydna                                               3 L multidjús: Hávar

3 L súrepladjús: Óli                                                 3 L súrepladjús: Alexander

 

      Vinaliga Gunn :)

Foreldraviðtala í 3.b

Góðu næmingar og foreldur                                           Sankta Frans skúli 13/02-17

 

Eins og undanfarin ár, fara vit at hava føstuhald á skúlanum.

Hjá okkum verður hetta føstulávintsmánadag 27/02-17.

Í ár hava vit valt at hava eitt tema til grýlurnar.

Temaðið hesuferð er “Heimagjørd grýluklæðir”.

Á hvørjum ári vera heiðursgávur givnar til grýlurnar s.s. Vakrasta grýla, stuttligasta grýla, fittasta grýla o.a., og fyri at taka lut í hesari kapping, má grýlan passa til temaðið.

Børnini kunnu tó koma í keyptum klæðum, men so eru tey ikki við í kappingini, um at gerast ársins grýla.

Vónandi taka tit væl undir við hesum.

Vinarliga

Leiðslan

Hugnakvøld í 2.b

Næmingar og lærarar í 2.b fara at hugna okkum saman týskvøldið 14. feb. Hugnakvøldið byrjar kl. 18 og endar kl. 20.

Á skránni eru dansur, spøl, lummalykta-søga og hugnalig samvera :)

Næmingarnir skulu hava eina lummalykt við og okkurt lekkurt, søtt fyri í mesta lagi 40 kr. (t.d. sodavatn, sunkist, bomm, sokolátu) Gott hevði verið um børnini hava etið heimanífrá.

Vit gleða okkum til eitt hugnaligt kvøld

Vinaliga lærararnir

foreldraviðtalur