Kom og les!

Til heimið!

Frá 30. januar - 17. februar verður lesiátakið  “ Kom og les”.  Átakið er fyri allar næmingar.

Endamálið er, at øll børnini lesa í 40 min.  hvønn yrkadag, t.e. 20 min. í skúlanum og 20. min. heima.

So hvørt næmingurin er liðugur við eina bók, ummælir hann bókina. Næmingarnir kunnu lesa føroyskar, danskar ella enskar bøkur.

Heitt verður á tykkum um at taka væl undir við tiltakinum, og at tit sita saman við barninum í 20 min. um dagin og lesa.

Tað er umráðandi, at børnini altíð hava bøkurnar til “ Kom og les” við í skúla. Tí fara vit at heita á tykkum at ansa eftir, at bókin til lesiløtuna er í taskuni, tá barnið fer í skúla.

Í skúlanum verður tiltakið skipað soleiðis, at hvønn morgun verður ringt til lesiløtu, og øll seta seg at lesa.