Fríggjadagin 16. des. var skúlin til árliga jólagudstænastu í Vesturkirkjuni.
Skúlin á Trøðni hevur seinastu mongu árini verið saman við okkum, og tað hevur víst seg at rigga stak væl. Í ár skipaði Skúlin á Trøðni fyri Lusiugongu og fittum sangspæli. Fjósið í Betlehem stóð á kórgáttini. Tað setti sín dám á løtuna og prestur, Heri Joensen, visti, at tað vóru børnini, ið áttu løtuna. Tí var tað barnsligt og fitt, tá hann setti seg frammanfyri neytafjósið í Betlehem.
Tann evangeliska partin, inngangs – og útgangsbøn og aðra bøn syrgdu næmingar hjá okkum fyri. Sera væl og vandaliga gingið um.
Væl vórðu okkara siðbundnu, vøkru jólasálmar sungnir í dag. Væl nøgd leitaðu øll heim í jólafrí í tí heldur nógvu hálkuni!
